ᠭᠤᠤᠯ ᠨᠢᠭᠤᠷ
ᠰᠤᠷᠭᠠᠨ ᠬᠦᠮᠦᠵᠢᠯ ᠦᠨ ᠭᠡᠭᠡᠪᠴᠢ
ᠤᠯᠠᠮᠵᠢᠯᠠᠯᠲᠤ ᠰᠤᠷᠭᠠᠨ ᠬᠦᠮᠦᠵᠢᠯ
ᠤᠯᠠᠮᠵᠢᠯᠠᠯᠲᠤ ᠰᠤᠷᠭᠠᠨ ᠬᠦᠮᠦᠵᠢᠯ
ᠣᠳᠣ ᠦᠶᠡ ᠶᠢᠨ ᠰᠤᠷᠭᠠᠨ ᠬᠦᠮᠦᠵᠢᠯ
ᠭᠠᠳᠠᠭᠠᠲᠤ ᠶᠢᠨ ᠰᠤᠷᠭᠠᠨ ᠬᠦᠮᠦᠵᠢᠯ
ᠦᠭᠡ ᠬᠡᠯᠡᠨ ᠦ ᠰᠤᠷᠭᠠᠯ ᠢᠢᠡᠷ ᠬᠡᠦᠬᠡᠳ ᠦᠨ
ᠤᠶᠤᠨ ᠤᠬᠠᠭᠠᠨ ᠢ ᠬᠦᠮᠦᠵᠢᠭᠦᠯᠬᠦ
1. ᠬᠡᠦᠬᠡᠳ ᠦᠨ ᠦᠰᠦᠯᠲᠡ ᠪᠤᠢᠢᠵᠢᠯᠲᠠ ᠶᠢ ᠳᠠᠭᠠᠯᠳᠤᠨ ᠭᠡᠷ ᠦᠨ ᠬᠦᠮᠦᠵᠢᠯ ᠦᠨ ᠠᠭᠤᠯᠭᠠ ᠤᠯᠠᠮ ᠢᠢᠡᠷ ᠬᠦᠨᠵᠡᠭᠡᠢᠢᠷᠡᠨ ᠪᠤᠲᠠᠲᠠᠢᠢᠵᠢᠳᠠᠭ᠃ ᠬᠡᠦᠬᠡᠳ ᠦᠨ ᠦᠭᠡ ᠬᠡᠯᠡᠵᠦ ᠰᠤᠷᠬᠤ ᠶᠢ ᠳᠠᠭᠠᠯᠳᠤᠨ 《ᠨᠢᠭᠡ ᠬᠣᠶᠠᠷ ᠭᠤᠷᠪᠠ 》ᠭᠡᠵᠦ ᠠᠷᠪᠠ ᠬᠦᠷᠲᠡᠯᠡ ᠲᠣᠭᠠ ᠶᠢ ᠵᠢᠭᠠᠨ ᠴᠡᠭᠡᠵᠢᠯᠡᠭᠦᠯᠵᠦ ᠠᠭᠠᠵᠢᠮ ᠢᠢᠡᠷ ᠲᠣᠭᠠᠨ ᠤ ᠤᠬᠠᠭᠳᠠᠬᠤᠨ ᠢ ᠡᠵᠡᠮᠰᠢᠭᠦᠯᠳᠡᠭ᠃ᠤᠬᠠᠨᠳᠠᠬᠤᠨ ᠪᠦᠷᠢᠯᠳᠦᠬᠦ ᠪᠣᠯ ᠤᠶᠤᠨ ᠤ ᠬᠦᠭᠵᠢᠯ ᠦᠨ ᠰᠠᠭᠤᠷᠢ ᠪᠣᠯᠤᠨᠠ᠃ ᠡᠭᠦᠨ ᠦ ᠳᠠᠷᠠᠭᠠ ᠪᠠᠷ ᠠᠯᠬᠤᠮ ᠠᠯᠬᠤᠮ ᠢᠢᠡᠷ ᠣᠨᠢᠰᠤᠭᠠ ᠲᠠᠭᠠᠭᠠᠯᠴᠠᠭᠠ᠂ ᠬᠣᠯᠪᠤᠭᠠ ᠳᠠᠭᠠᠷᠢᠯᠴᠠᠭᠠ᠂ ᠵᠦᠢᠷ ᠰᠡᠴᠡᠨ ᠦᠭᠡ᠂ ᠬᠡᠯᠡ ᠵᠦᠭᠰᠢᠷᠡᠭᠦᠯᠬᠦ ᠦᠭᠡᠰ᠂ ᠰᠤᠷᠭᠠᠯ ᠰᠢᠯᠦᠭ᠂ ᠢᠷᠦᠭᠡᠯ ᠮᠠᠭᠲᠠᠭᠠᠯ᠂ ᠦᠯᠢᠭᠡᠷ ᠳᠣᠮᠤᠭ ᠵᠡᠷᠭᠡ ᠶᠢ ᠰᠣᠨᠤᠰᠭᠠᠬᠤ ᠶᠢᠨ ᠳᠠᠭᠠᠤ᠂ ᠳᠠᠬᠢᠨ ᠪᠡᠶᠡ ᠪᠡᠷ ᠨᠢ ᠶᠠᠷᠢᠭᠤᠯᠵᠤ ᠰᠤᠷᠭᠠᠳᠠᠭ᠃《ᠦᠭᠡ ᠬᠡᠯᠡᠨ ᠳᠦ ᠣᠷᠤᠭᠰᠠᠨ ᠬᠡᠦᠬᠡᠳ ᠦᠳ ᠤᠯᠠᠮ ᠢᠢᠡᠷ ᠦᠯᠢᠭᠡᠷ ᠣᠨᠢᠰᠤᠭᠠ ᠶᠢᠨ ᠠᠮᠲᠠᠨ ᠳᠤ ᠣᠷᠤᠴᠢᠬᠠᠪᠠᠯ ᠬᠡᠳᠦᠭᠦᠯᠡ ᠨᠢᠭᠡ ᠳᠣᠣᠷᠠ ᠴᠤᠭᠯᠠᠷᠠᠨ ᠨᠠᠭᠠᠳᠬᠤ ᠳᠠᠭᠠᠨ ᠬᠡᠨ ᠬᠡᠷᠪᠡ ᠨᠢᠭᠡᠨ ᠠᠮᠢᠰᠭᠤᠭᠠ ᠪᠠᠷ〈ᠬᠣᠷᠢᠨ ᠲᠠᠪᠤᠨ ᠬᠤᠯᠤ 〉 ᠶ᠋ᠢ ᠲᠣᠷᠤᠯ ᠦᠭᠡᠢ ᠪᠡᠷ ᠲᠣᠭᠠᠯᠠᠵᠤ ᠭᠠᠷᠬᠤ ᠦᠭᠡᠢ᠂ᠬᠠᠷᠢᠯᠴᠠᠨ ᠭᠠᠷᠭᠠᠭᠰᠠᠨ ᠬᠡᠯᠡ ᠵᠦᠭᠰᠢᠷᠡᠭᠦᠯᠬᠦ ᠦᠭᠡᠰ ᠢ ᠲᠡᠭᠡᠭ ᠴᠣᠯᠴᠠᠷᠢᠶᠠ ᠦᠭᠡᠢ ᠬᠡᠯᠡᠵᠦ ᠴᠢᠳᠠᠬᠤ ᠦᠭᠡᠢ ᠪᠣᠶᠤ ᠳᠣᠯᠤᠭᠠᠨ ᠣᠨᠢᠰᠤᠭᠠ ᠲᠠᠭᠠᠵᠤ ᠳᠡᠢᠢᠯᠬᠦ ᠦᠭᠡᠢ ᠪᠣᠯ ᠳᠠᠷᠤᠢ ᠭᠠᠷᠲᠠᠭᠠᠭᠳᠠᠭᠰᠠᠨ ᠢᠢᠡᠷ ᠪᠣᠳᠤᠵᠤ〈ᠳᠣᠯᠤᠭᠠᠨ ᠴᠢᠪᠠᠭᠠᠭᠴᠠ ᠶᠢᠨ ᠪᠤᠬᠤᠷ ᠳᠣᠯᠢᠶᠠᠯᠭᠠᠬᠤ〉ᠮᠡᠲᠦ ᠶᠢᠨ ᠠᠲᠠᠭᠠ ᠵᠢᠲᠦᠭᠡ ᠶᠢ ᠬᠦᠳᠡᠯᠭᠡᠮᠡ᠂ ᠵᠠᠷᠢᠮ ᠳᠠᠭᠠᠨ ᠶᠡᠬᠡ ᠬᠦᠮᠦᠨ ᠢ ᠴᠦ ᠡᠯᠢᠭᠡ ᠬᠦᠰᠢᠭᠦᠯᠦᠮᠡ ᠬᠡᠯᠡ ᠶᠠᠷᠢᠶᠠᠨ ᠤ ᠮᠦᠷᠦᠢᠢᠴᠡᠭᠡᠨ ᠢ ᠦᠪᠡᠷᠰᠡᠳ ᠬᠣᠭᠤᠷᠤᠨᠳᠤ ᠪᠠᠨ ᠬᠢᠴᠢᠭᠡᠳᠡᠭ》᠃ ᠡᠢᠢᠮᠦ ᠠᠮᠠᠨ ᠲᠣᠭᠯᠠᠭᠠᠮ᠂ ᠦᠭᠡᠨ ᠨᠠᠭᠠᠳᠤᠮ ᠳᠤ ᠬᠡᠦᠬᠡᠳ ᠦᠨ ᠤᠬᠠᠭᠠᠨ ᠤ ᠤᠭᠤᠲᠠ ᠨᠢ ᠲᠠᠯᠪᠢᠭᠤᠷᠠᠨ᠂ ᠪᠢᠯᠢᠭ᠌ ᠦᠨ ᠣᠨᠢᠰᠤ ᠨᠢ ᠨᠡᠬᠡᠭᠡᠭᠳᠡᠵᠦ᠂ ᠴᠡᠭᠡᠵᠢ ᠰᠠᠢᠢᠲᠠᠢ᠂ ᠤᠬᠠᠭᠠᠨ ᠰᠠᠷᠠᠭᠤᠯ ᠬᠦᠮᠦᠨ ᠪᠣᠯᠳᠠᠭ᠃
2. ᠬᠡᠦᠬᠡᠳ ᠦᠨ ᠦᠭᠡ ᠬᠡᠯᠡᠨ ᠳᠦ ᠣᠷᠤᠬᠤ ᠶᠢ ᠲᠦᠷᠭᠡᠳᠭᠡᠵᠦ ᠦᠭᠡᠰ ᠦᠨ ᠰᠠᠩ ᠢ ᠪᠠᠶᠠᠯᠢᠭᠵᠢᠭᠤᠯᠬᠤ ᠶᠢᠨ ᠲᠦᠯᠦᠭᠡ᠂ ᠡᠳᠦᠷ ᠳᠣᠲᠤᠮ ᠤᠨ ᠠᠮᠢᠳᠤᠷᠠᠯ ᠡᠴᠡ ᠭᠠᠷᠳᠠᠨ ᠦᠵᠡᠭᠦᠯᠵᠦ ᠲᠠᠨᠢᠭᠤᠯᠬᠤ ᠠᠷᠭᠠ ᠪᠠᠷ ᠬᠦᠮᠦᠨ ᠠᠮᠢᠲᠠᠨ ᠬᠢᠭᠡᠳ ᠬᠡᠷᠡᠭ᠌ ᠪᠤᠳᠠᠰ ᠤᠨ ᠨᠡᠷᠡ ᠲᠣᠮᠢᠶᠠ ᠶᠢ ᠲᠠᠨᠢᠭᠤᠯᠵᠤ ᠡᠵᠡᠮᠰᠢᠭᠦᠯᠳᠡᠭ᠃ ᠲᠣᠬᠠᠢᠢᠯᠠᠪᠠᠯ ᠮᠠᠯᠵᠢᠯ ᠤᠨ ᠠᠮᠢᠳᠤᠷᠠᠯ ᠡᠴᠡ ᠡᠭᠦᠰᠴᠦ᠂ ᠲᠠᠪᠤᠨ ᠬᠤᠰᠢᠭᠤ ᠮᠠᠯ ᠢ ᠲᠠᠨᠢᠭᠤᠯᠵᠤ᠂ ᠳᠠᠷᠠᠭᠠᠯᠠᠭᠠᠳ ᠲᠤᠭᠤᠯ ᠪᠢᠷᠠᠭᠤ᠂ ᠭᠤᠨᠵᠢ ᠳᠦᠨᠵᠢ ᠰᠢᠳᠤᠯᠠᠩ ᠨᠢ ᠴᠣᠬᠣᠮ ᠬᠡᠳᠦᠨ ᠨᠠᠰᠤ ᠲᠠᠢ ᠮᠠᠯ ᠪᠣᠯᠬᠤ ᠶᠢ ᠲᠠᠨᠢᠭᠤᠯᠤᠨᠠ᠃ ᠲᠡᠭᠦᠨ ᠦ ᠳᠠᠷᠠᠭᠠ ᠳᠤᠨᠢ ᠠᠳᠤᠭᠤ ᠮᠠᠯ ᠤᠨ ᠵᠢᠰᠦᠮ ᠢ ᠲᠠᠨᠢᠭᠤᠯᠵᠤ᠂ ᠪᠤᠬᠠ᠂ ᠠᠵᠢᠷᠭᠠ᠂ ᠤᠬᠤᠨᠠ᠂ ᠬᠤᠴᠠ᠂ ᠪᠤᠤᠷᠠ᠂ ᠠᠭᠲᠠ ᠶᠢ ᠢᠯᠭᠠᠭᠤᠯᠤᠨᠠ᠃ ᠡᠳᠡᠭᠡᠷ ᠢ ᠳᠠᠭᠠᠯᠳᠤᠭᠤᠯᠤᠨ ᠬᠡᠭᠡᠷᠡ ᠶᠢᠨ ᠠᠷᠢᠶᠠᠲᠠᠨ ᠤ ᠡᠷᠡᠭᠴᠢᠨ ᠡᠮᠡᠭᠴᠢᠨ ᠦ ᠨᠡᠷᠡᠢᠢᠳᠦᠯ ᠢ ᠮᠡᠳᠡᠭᠦᠯᠦᠨᠡ᠃ ᠵᠢᠱᠢᠶᠡᠯᠡᠪᠡᠯ᠂ ᠭᠤᠷᠠ᠂ ᠰᠤᠭᠤ᠂ ᠪᠣᠷᠤᠭᠴᠢᠨ᠂ ᠬᠠᠪᠠᠨ᠂ ᠪᠦᠬᠡ ᠭᠡᠬᠦ ᠮᠡᠲᠦ ᠶᠢᠨ ᠠᠷᠢᠶᠠᠲᠠᠨ ᠢ ᠢᠯᠭᠠᠭᠤᠯᠤᠨ ᠲᠠᠨᠢᠭᠤᠯᠤᠨᠠ᠃ ᠪᠠᠰᠠ ᠮᠠᠯ ᠤᠨᠤᠭᠠᠨ ᠤ ᠵᠤᠯᠵᠠᠭᠠ ᠶᠢᠨ ᠨᠡᠷᠡᠢᠢᠳᠦᠯ᠂ ᠢᠰᠢᠭᠡ ᠬᠤᠷᠠᠭᠠ᠂ ᠪᠣᠲᠤᠭᠤ ᠤᠨᠠᠭᠠ᠂ ᠭᠦᠯᠦᠭᠡ ᠲᠣᠷᠤᠢ ᠭᠡᠬᠦ ᠮᠡᠲᠦ ᠶᠢᠨ ᠭᠡᠷ ᠦᠨ ᠲᠡᠵᠢᠭᠡᠪᠦᠷᠢ ᠶᠢᠨ ᠵᠤᠯᠵᠠᠭᠠ ᠶᠢ ᠲᠠᠨᠢᠭᠤᠯᠤᠨᠠ᠃ ᠡᠭᠦᠨ ᠢᠢᠡᠷ ᠳᠠᠮᠵᠢᠭᠤᠯᠤᠨ ᠬᠡᠦᠬᠡᠳ ᠦᠨ ᠨᠢᠳᠦᠨ ᠬᠠᠷᠠᠭᠠ ᠶᠢ ᠦᠷᠭᠡᠳᠭᠡᠵᠦ᠂ ᠰᠡᠷᠡᠯ ᠦᠨ ᠲᠤᠷᠰᠢᠯᠭᠠ ᠶᠢ ᠡᠯᠪᠡᠭᠵᠢᠭᠦᠯᠵᠦ᠂ ᠲᠠᠨᠢᠯᠲᠠ ᠶᠢᠨ ᠴᠢᠳᠠᠪᠤᠷᠢ ᠪᠠ ᠵᠠᠳᠠᠯᠤᠨ ᠶᠡᠷᠦᠩᠬᠡᠢᠢᠯᠡᠬᠦ᠂ ᠠᠳᠠᠯᠢᠳᠭᠠᠬᠤ᠂ ᠬᠡᠢᠢᠰᠪᠦᠷᠢᠯᠡᠵᠦ ᠬᠤᠷᠢᠶᠠᠩᠭᠤᠢᠢᠯᠠᠬᠤ ᠴᠢᠳᠠᠪᠤᠷᠢ ᠶᠢ ᠨᠡᠮᠡᠭᠳᠡᠭᠦᠯᠳᠡᠭ᠃
3. ᠮᠤᠩᠭᠤᠯᠴᠤᠳ ᠬᠡᠦᠬᠡᠳ ᠦᠨ ᠦᠭᠡᠰ ᠦᠨ ᠰᠠᠩ ᠢ ᠡᠯᠪᠡᠭᠵᠢᠭᠦᠯᠬᠦ ᠶᠢᠨ ᠬᠠᠮᠲᠤ ᠪᠠᠰᠠ ᠦᠭᠡ ᠶᠠᠷᠢᠶᠠᠨ ᠤ ᠢᠯᠡᠳᠭᠡᠬᠦ ᠴᠢᠳᠠᠪᠤᠷᠢ ᠶᠢ ᠳᠡᠭᠡᠭᠰᠢᠯᠡᠭᠦᠯᠵᠦ ᠰᠡᠳᠭᠢᠬᠦ ᠴᠢᠳᠠᠪᠤᠷᠢ ᠶᠢ ᠬᠦᠮᠦᠵᠢᠭᠦᠯᠳᠡᠭ᠃ ᠲᠣᠬᠠᠢᠢᠯᠠᠪᠠᠯ ᠬᠦᠮᠦᠨ ᠠᠮᠢᠲᠠᠨ ᠤ ᠳᠤᠤᠭᠠᠷᠬᠤ ᠳᠠᠭᠤ᠂ ᠨᠣᠬᠠᠢ ᠬᠤᠴᠠᠬᠤ᠂ ᠭᠠᠬᠠᠢ ᠭᠠᠢᠢᠯᠠᠬᠤ᠂ ᠲᠠᠬᠢᠶᠠ ᠭᠣᠭᠣᠭᠯᠠᠬᠤ᠂ ᠦᠬᠡᠷ ᠮᠦᠭᠡᠷᠡᠬᠦ᠂ ᠬᠣᠨᠢ ᠢᠮᠠᠭᠠ ᠮᠠᠢᠢᠯᠠᠬᠤ᠂ ᠮᠣᠷᠢ ᠢᠨᠴᠠᠭᠠᠬᠤ ᠪᠣᠶᠤ ᠦᠦᠷᠰᠡᠬᠦ᠂ ᠲᠡᠮᠡᠭᠡ ᠪᠣᠢᠢᠯᠠᠬᠤ ᠵᠡᠷᠭᠡ ᠶᠢ ᠠᠳᠠᠯᠢ ᠪᠣᠰᠤ ᠪᠠᠷ ᠢᠯᠡᠳᠭᠡᠬᠦ ᠲᠣᠬᠠᠢ ᠢᠯᠭᠠᠪᠤᠷᠢᠯᠠᠨ ᠮᠡᠳᠡᠭᠦᠯᠵᠦ᠂ ᠨᠣᠬᠠᠢ ᠭᠦᠯᠦᠭᠡᠯᠡᠬᠦ᠂ ᠭᠠᠬᠠᠢ ᠲᠣᠷᠤᠢᠢᠯᠠᠬᠤ᠂ ᠲᠠᠬᠢᠶᠠ ᠦᠨᠳᠡᠭᠡᠯᠡᠬᠦ᠂ ᠦᠨᠢᠶᠡ ᠲᠤᠭᠤᠯᠯᠠᠬᠤ᠂ ᠬᠣᠨᠢ ᠬᠤᠷᠠᠭᠠᠯᠠᠬᠤ᠂ ᠭᠡᠭᠦᠦ ᠤᠨᠠᠭᠠᠯᠠᠬᠤ᠂ ᠢᠩᠭᠡ ᠪᠣᠲᠤᠭᠤᠯᠠᠬᠤ ᠵᠡᠷᠭᠡ ᠠᠳᠤᠭᠤᠰᠤ ᠮᠠᠯ ᠤᠨ ᠲᠦᠷᠦᠵᠦ ᠦᠷᠡᠵᠢᠬᠦ ᠲᠣᠬᠠᠢ ᠮᠡᠳᠡᠭᠦᠯᠳᠡᠭ᠃ ᠲᠠᠷᠢᠬᠢ ᠬᠦᠳᠡᠯᠭᠡᠨ ᠰᠡᠳᠭᠢᠬᠦ ᠴᠢᠳᠠᠪᠤᠷᠢ ᠶᠢ ᠨᠡᠮᠡᠭᠳᠡᠭᠦᠯᠬᠦ ᠶᠢᠨ ᠲᠦᠯᠦᠭᠡ ᠣᠨᠢᠰᠤᠭᠠ ᠲᠠᠭᠠᠮᠠᠭᠯᠠᠬᠤ ᠶᠢ ᠡᠷᠬᠢᠮᠯᠡᠳᠡᠭ᠃ ᠵᠢᠱᠢᠶᠡᠯᠡᠪᠡᠯ《ᠮᠤᠭᠠᠢ ᠡᠷᠢᠶᠡᠨ ᠪᠡᠶᠡ ᠳᠦ᠂ ᠮᠣᠳᠤᠨ ᠭᠤᠷᠪᠠᠨ ᠬᠢᠮᠤᠰᠤ ᠲᠠᠢ》᠂《ᠶᠠᠪᠤᠪᠠᠯ ᠰᠠᠨᠳᠠᠯᠢ᠂ ᠰᠠᠭᠤᠪᠠᠯ ᠶᠠᠨᠲᠤᠩ》ᠭᠡᠬᠦ ᠮᠡᠲᠦ ᠶᠢᠨ ᠠᠰᠠᠭᠤᠯᠲᠠ ᠪᠠᠷ ᠲᠡᠳᠡᠨ ᠦ ᠤᠷᠮᠠ ᠶᠢ ᠲᠠᠲᠠᠵᠤ᠂ ᠰᠠᠨᠠᠭᠠᠴᠢᠯᠠᠭᠠᠲᠤ ᠴᠢᠨᠠᠷ ᠢ ᠳᠠᠢᠢᠴᠢᠯᠠᠵᠤ᠂ ᠨᠢᠭᠡ ᠲᠠᠯᠠ ᠪᠠᠷ ᠬᠡᠦᠬᠡᠳ ᠦᠨ ᠤᠶᠤᠨ ᠤ ᠠᠮᠢᠳᠤᠷᠠᠯ ᠢ ᠪᠠᠶᠠᠯᠢᠭᠵᠢᠭᠤᠯᠵᠤ᠂ ᠨᠦᠭᠦᠭᠡ ᠲᠠᠯᠠ ᠪᠠᠷ ᠬᠦᠮᠦᠵᠢᠭᠦᠯᠬᠦ ᠵᠣᠷᠢᠯᠭᠠ ᠳᠠᠭᠠᠨ ᠬᠦᠷᠴᠦ ᠪᠠᠢᠢᠳᠠᠭ᠃ ᠣᠨᠢᠰᠤᠭᠠ ᠪᠣᠯ ᠦᠭᠡ ᠬᠡᠯᠡᠯᠭᠡ ᠤᠷᠠᠨ ᠳᠦᠷᠰᠦᠯᠢᠭ᠌ ᠪᠦᠭᠡᠳ ᠴᠡᠭᠡᠵᠢᠯᠡᠬᠦ ᠳᠦ ᠳᠦᠭᠦᠮ ᠪᠣᠯᠬᠣᠷ ᠬᠡᠦᠬᠡᠳ ᠦᠨ ᠰᠡᠳᠭᠢᠴᠡ ᠶᠢᠨ ᠣᠨᠴᠠᠯᠢᠭ ᠲᠤ ᠨᠡᠢᠢᠴᠡᠵᠦ᠂ᠲᠡᠳᠡᠨ ᠦ ᠤᠶᠤᠨ ᠢ ᠨᠡᠬᠡᠭᠡᠭᠳᠡᠭᠦᠯᠬᠦ ᠳᠦ ᠲᠤᠩ ᠶᠡᠬᠡ ᠠᠴᠢ ᠲᠤᠰᠠ ᠲᠠᠢ ᠪᠠᠢᠢᠳᠠᠭ᠃ ᠡᠢᠢᠮᠦ ᠡᠴᠡ ᠮᠤᠩᠭᠤᠯ ᠤᠨ ᠭᠡᠷ ᠦᠨ ᠬᠦᠮᠦᠵᠢᠯ ᠦᠨ ᠴᠢᠬᠤᠯᠠ ᠠᠭᠤᠯᠭᠠ ᠪᠣᠯᠤᠭᠰᠠᠭᠠᠷ ᠢᠷᠡᠭᠰᠡᠨ ᠶᠤᠮ᠃