ᠤᠯᠠᠮᠵᠢᠯᠠᠯᠲᠤ ᠰᠤᠷᠭᠠᠨ ᠬᠦᠮᠦᠵᠢᠯ
ᠣᠳᠣ ᠦᠶ᠎ᠡ ᠶᠢᠨ ᠰᠤᠷᠭᠠᠨ ᠬᠦᠮᠦᠵᠢᠯ
ᠭᠠᠳᠠᠭᠠᠲᠤ ᠶᠢᠨ ᠰᠤᠷᠭᠠᠨ ᠬᠦᠮᠦᠵᠢᠯ
            ᠡᠬᠡ ᠦᠨᠳᠦᠰᠦᠲᠡᠨ ᠢᠢᠡᠨ ᠬᠠᠢᠢᠷᠠᠯᠠᠬᠤ ᠬᠦᠮᠦᠵᠢᠯ

    ᠮᠤᠩᠭᠤᠯ ᠬᠦᠮᠦᠨ ᠡᠪᠦᠭᠡ ᠳᠡᠭᠡᠳᠦᠰ ᠢᠢᠡᠨ ᠮᠠᠷᠲᠠᠬᠤ ᠦᠭᠡᠢ᠂ ᠡᠬᠡ ᠦᠨᠳᠦᠰᠦᠲᠡᠨ ᠢᠢᠡᠨ ᠬᠠᠢᠢᠷᠠᠯᠠᠬᠤ ᠢᠷᠠᠭᠤ ᠰᠠᠢᠢᠬᠠᠨ ᠤᠯᠠᠮᠵᠢᠯᠠᠯ ᠲᠠᠢ᠃《ᠮᠤᠩᠭᠤᠯᠴᠤᠳ ᠡᠪᠦᠭᠡ ᠳᠡᠭᠡᠳᠦᠰ ᠦᠨ ᠢᠢᠡᠨ ᠦᠶ᠎ᠡ ᠵᠠᠯᠭᠠᠮᠵᠢ ᠶᠢ ᠬᠠᠳᠠᠭᠠᠯᠠᠨ ᠴᠡᠭᠡᠵᠢᠯᠡᠵᠦ᠂ ᠬᠡᠦᠬᠡᠳ ᠪᠦᠷᠢ ᠳᠦ ᠡᠪᠦᠭᠡ ᠳᠡᠭᠡᠳᠦᠰ ᠦᠨ ᠬᠢᠨᠢ ᠦᠶ᠎ᠡ ᠵᠠᠯᠭᠠᠮᠵᠢ ᠶᠢ ᠮᠡᠳᠡᠭᠦᠯᠦᠨ ᠴᠡᠭᠡᠵᠢᠯᠡᠭᠦᠯᠬᠦ ᠵᠠᠩᠰᠢᠯ ᠲᠠᠢ᠃ ᠡᠪᠦᠭᠡ ᠳᠡᠭᠡᠳᠦᠰ ᠦᠨ ᠢᠢᠡᠨ ᠦᠶ᠎ᠡ ᠵᠠᠯᠭᠠᠮᠵᠢ ᠶᠢ ᠣᠪᠤᠭ ᠠᠢᠢᠮᠠᠭ ᠤᠨ ᠢᠢᠡᠨ ᠦᠪ ᠬᠦᠷᠦᠩᠭᠡ ᠪᠡᠷ ᠦᠵᠡᠳᠡᠭ ᠢᠢᠡᠷ ᠲᠡᠳᠡᠨ ᠦ ᠳᠣᠲᠤᠷ᠎ᠠ ᠣᠪᠤᠭ ᠠᠢᠢᠮᠠᠭ ᠤᠨ ᠢᠢᠡᠨ ᠡᠭᠦᠰᠦᠯ ᠭᠠᠷᠤᠯ ᠢ ᠦᠯᠦ ᠮᠡᠳᠡᠬᠦ ᠬᠦᠮᠦᠨ ᠭᠡᠵᠦ ᠦᠭᠡᠢ᠃ ᠮᠤᠩᠭᠤᠯᠴᠤᠳ ᠡᠴᠡ ᠥᠭᠡᠷ᠎ᠡ ᠶᠠᠮᠠᠷ ᠴᠤ ᠦᠨᠳᠦᠰᠦᠲᠡᠨ ᠳᠦ ᠴᠦ ᠡᠢᠢᠮᠦ ᠵᠠᠩᠰᠢᠯ ᠦᠭᠡᠢ ᠶᠤᠮ》ᠭᠡᠵᠦ 《ᠰᠤᠳᠤᠷ ᠤᠨ ᠴᠢᠭᠤᠯᠭᠠᠨ》 ᠳᠤ ᠲᠡᠮᠲᠡᠭᠯᠡᠵᠡᠢ᠃ᠡᠪᠦᠭᠡ ᠳᠡᠭᠡᠳᠦᠰ ᠦᠨ ᠢᠢᠡᠨ ᠦᠶ᠎ᠡ ᠵᠠᠯᠭᠠᠮᠵᠢ ᠶᠢ ᠦᠯᠢᠭᠡᠷ ᠳᠣᠮᠤᠭ ᠤᠨ ᠬᠡᠯᠪᠡᠷᠢ ᠪᠣᠶᠤ ᠤᠷᠠᠨ ᠰᠢᠯᠦᠭ᠌ ᠦᠨ ᠬᠡᠯᠪᠡᠷᠢ ᠪᠣᠯᠭᠠᠨ ᠦᠷ᠎ᠡ ᠬᠡᠦᠬᠡᠳ ᠲᠡᠭᠡᠨ ᠴᠡᠭᠡᠵᠢᠯᠡᠭᠦᠯᠬᠦ ᠵᠠᠩᠰᠢᠯ ᠮᠤᠩᠭᠤᠯ ᠳᠤ ᠡᠷᠲᠡ ᠡᠴᠡ ᠪᠠᠢᠢᠭᠰᠠᠨ ᠪᠦᠭᠡᠳ ᠴᠢᠬᠤᠯᠠ ᠰᠤᠷᠭᠠᠨ ᠬᠦᠮᠦᠵᠢᠯ ᠦᠨ ᠠᠭᠤᠯᠭ᠎ᠠ ᠪᠣᠯᠵᠤ ᠪᠠᠢᠢᠭᠰᠠᠨ᠂《ᠮᠤᠩᠭᠤᠯ ᠤᠨ ᠨᠢᠭᠤᠴᠠ ᠲᠣᠪᠴᠢᠶᠠᠨ》 ᠤ ᠡᠬᠢᠨ ᠦ ᠬᠡᠰᠡᠭ ᠪᠣᠯ ᠳᠠᠷᠤᠢ ᠦᠶ᠎ᠡ ᠵᠠᠯᠭᠠᠮᠵᠢ ᠶᠢᠨ ᠲᠡᠮᠲᠡᠭᠯᠡᠯ ᠪᠣᠯᠤᠨ᠎ᠠ᠃ ᠲᠡᠷᠡ ᠨᠢ ᠦᠶ᠎ᠡ ᠤᠯᠠᠷᠢᠨ ᠠᠮᠠ ᠪᠠᠷ ᠤᠯᠠᠮᠵᠢᠯᠠᠭᠳᠠᠨ ᠦᠯᠡᠳᠡᠭᠰᠡᠨ ᠨᠢ ᠢᠯᠡᠷᠬᠡᠢ ᠶᠤᠮ᠃ ᠬᠣᠵᠢᠮ ᠨᠢ ᠮᠤᠩᠭᠤᠯᠴᠤᠳ ᠦᠰᠦᠭ ᠪᠢᠴᠢᠭ᠌ ᠬᠡᠷᠡᠭᠯᠡᠭᠰᠡᠨ ᠦ ᠰᠡᠭᠦᠯᠡᠷ ᠡᠪᠦᠭᠡ ᠳᠡᠭᠡᠳᠦᠰ ᠦᠨ ᠦᠶ᠎ᠡ ᠵᠠᠯᠭᠠᠮᠵᠢ ᠪᠠ ᠲᠡᠦᠬᠡ ᠨᠠᠮᠲᠠᠷ ᠢ ᠭᠡᠷ ᠦᠨ《ᠤᠭ ᠤᠨ ᠪᠢᠴᠢᠭ᠌》 ᠤᠨ ᠬᠡᠯᠪᠡᠷᠢ ᠪᠡᠷ ᠲᠡᠮᠲᠡᠭᠯᠡᠬᠦ ᠵᠠᠩᠰᠢᠯ ᠲᠠᠢ ᠪᠣᠯᠵᠠᠢ᠃ ᠠᠮᠠ ᠪᠠᠷ ᠤᠯᠠᠮᠵᠢᠯᠠᠭᠳᠠᠭᠰᠠᠨ ᠴᠤ ᠲᠡᠷᠡ ᠪᠦᠷ ᠯᠡ ᠤᠭ ᠦᠨᠳᠦᠰᠦ ᠪᠡᠨ ᠦᠯᠦ ᠮᠠᠷᠲᠠᠬᠤ ᠤᠯᠠᠮᠵᠢᠯᠠᠯᠲᠤ ᠵᠠᠩ ᠳᠠᠳᠭᠠᠯ ᠢ ᠭᠡᠷᠡᠴᠢᠯᠡᠵᠦ᠂ ᠡᠨᠡ ᠲᠠᠯ᠎ᠠ ᠶᠢᠨ ᠬᠦᠮᠦᠵᠢᠯ ᠨᠢ ᠡᠪᠦᠭᠡ ᠳᠡᠭᠡᠳᠦᠰ ᠦᠶ᠎ᠡ ᠵᠠᠯᠭᠠᠮᠵᠢ ᠪᠠᠨ ᠦᠯᠦ ᠮᠠᠷᠲᠠᠬᠤ ᠶᠠᠪᠤᠳᠠᠯ ᠡᠴᠡ ᠤᠯᠠᠷᠢᠨ ᠬᠦᠭᠵᠢᠵᠦ᠂ ᠦᠨᠳᠦᠰᠦᠲᠡᠨ ᠶᠠᠰᠤᠲᠠᠨ ᠢᠢᠡᠨ ᠦᠯᠦ ᠮᠠᠷᠲᠠᠬᠤ᠂ ᠦᠨᠳᠦᠰᠦᠲᠡᠨ ᠦ ᠲᠡᠦᠬᠡ ᠰᠣᠶᠣᠯ ᠪᠠ ᠢᠷᠠᠭᠤ ᠠᠯᠳᠠᠷ ᠢᠢᠡᠨ ᠦᠯᠦ ᠮᠠᠷᠲᠠᠬᠤ ᠨᠠᠨᠳᠢᠨ ᠮᠤᠩᠭᠤᠯ ᠤᠨ ᠰᠤᠷᠭᠠᠨ ᠬᠦᠮᠦᠵᠢᠯ ᠦᠨ ᠠᠭᠤᠯᠭ᠎ᠠ ᠪᠣᠯᠤᠭᠰᠠᠨ ᠪᠠᠢᠢᠨ᠎ᠠ᠃ ᠮᠤᠩᠭᠤᠯ ᠤᠨ ᠠᠯᠳᠠᠷᠲᠤ ᠡᠷᠳᠡᠮᠲᠡᠨ ᠢᠨᠵᠠᠨᠨᠠᠰᠢ ᠪᠣᠯ ᠮᠤᠩᠭᠤᠯ ᠦᠨᠳᠦᠰᠦᠲᠡᠨ ᠦ ᠡᠷᠬᠢᠮ ᠳᠠᠳᠭᠠᠯ ᠢᠢᠡᠷ ᠬᠦᠮᠦᠵᠢᠭ᠌ᠳᠡᠨ ᠦᠰᠦᠭᠰᠡᠨ ᠬᠦᠮᠦᠨ᠂ ᠲᠡᠷᠡ ᠬᠦᠮᠦᠨ ᠪᠣᠯᠤᠭᠰᠠᠳ ᠵᠠᠪᠠᠯ ᠤᠭ ᠢᠵᠠᠭᠤᠷ ᠢᠢᠡᠨ ᠮᠡᠳᠡᠬᠦ ᠬᠡᠷᠡᠭᠲᠡᠢ ᠭᠡᠵᠦ᠂《ᠤᠭ ᠢᠵᠠᠭᠤᠷ ᠢᠢᠡᠨ ᠮᠠᠷᠲᠠᠵᠤ ᠪᠣᠯᠬᠤ ᠦᠭᠡᠢ》ᠭᠡᠰᠡᠨ ᠦᠭᠦᠯᠡᠯ ᠳᠡᠭᠡᠨ ᠴᠢᠩᠭᠢᠰ ᠬᠠᠭᠠᠨ ᠤ ᠵᠠᠷᠯᠢᠭ ᠪᠠ ᠭᠤᠲᠠᠭᠠᠷ ᠳᠠᠯᠠᠢ ᠯᠠᠮᠠ ᠶᠤᠨᠳᠤᠨᠵᠠᠮᠰᠤ ᠶᠢᠨ ᠰᠤᠷᠭᠠᠯ ᠢ ᠲᠡᠮᠲᠡᠭᠯᠡᠵᠡᠢ᠃ ᠲᠡᠭᠦᠨ ᠦ ᠲᠡᠮᠲᠡᠭᠯᠡᠭᠰᠡᠨ ᠢᠢᠡᠷ ᠴᠢᠩᠭᠢᠰ ᠬᠠᠭᠠᠨ ᠄《ᠲᠠᠯ᠎ᠠ ᠶᠢᠨ ᠡᠪᠡᠰᠦᠨ ᠦ ᠰᠢᠷ᠎ᠠ ᠰᠢᠮᠠᠭᠤᠯ᠂ ᠬᠦᠬᠡ ᠲᠦᠷᠦᠭᠦᠦ ᠲᠤᠷ ᠪᠣᠯᠪᠠᠴᠤ ᠮᠦᠨ ᠡᠭᠦᠰᠴᠦ ᠪᠦᠲᠦᠭᠰᠡᠨ ᠤᠴᠢᠷ ᠰᠢᠯᠲᠠᠭᠠᠨ ᠪᠣᠢ ᠪᠦᠭᠡᠲᠡᠯ᠎ᠡ᠂ ᠠᠮᠢᠲᠠᠨ ᠤ ᠣᠬᠢ ᠬᠦᠮᠦᠨ ᠲᠦᠷᠦᠯᠬᠢᠲᠡᠨ᠎ᠡ ᠢᠵᠠᠭᠤᠷ ᠦᠨᠳᠦᠰᠦᠨ ᠦ ᠡᠬᠢ ᠡᠭᠦᠰᠦᠯ ᠦᠭᠡᠢ ᠪᠣᠯᠬᠤ ᠶᠣᠰᠤ ᠪᠣᠢ ᠤᠤ᠂ ᠲᠡᠭᠦᠨ ᠢᠢᠡᠨ ᠡᠰᠡ ᠮᠡᠳᠡᠪᠡᠰᠦ᠂ ᠬᠣᠷᠤᠬᠠᠢ ᠰᠢᠮᠠᠭᠤᠯ ᠳᠤ ᠴᠤ ᠬᠦᠷᠬᠦ ᠦᠭᠡᠢ 》ᠭᠡᠵᠦ᠂ ᠳᠠᠯᠠᠢ ᠯᠠᠮᠠ ᠶᠣᠨᠳᠤᠨᠵᠠᠮᠰᠤ᠄《ᠣᠷᠴᠢᠯᠠᠩ ᠤᠨ ᠳᠡᠭᠡᠷ᠎ᠡ ᠬᠦᠮᠦᠨ ᠦ ᠡᠷᠬᠡᠲᠡᠨ ᠴᠣᠭᠴᠠ ᠶᠢ ᠠᠪᠴᠤ ᠲᠦᠷᠦᠭᠡᠳ᠂ ᠦᠪᠡᠷ ᠦᠨ ᠤᠭ ᠦᠨᠳᠦᠰᠦ ᠣᠪᠤᠭ ᠢᠵᠠᠭᠤᠷ ᠢᠢᠡᠨ ᠡᠰᠡ ᠮᠡᠳᠡᠪᠡᠰᠦ ᠶᠡᠬᠡ ᠬᠡᠭᠡᠷ᠎ᠡ᠂ ᠭᠦᠨ ᠣᠢ ᠶᠢᠨ ᠳᠣᠲᠤᠷᠠᠬᠢ ᠭᠢᠳᠠᠷ ᠰᠡᠷᠪᠡᠭᠡᠷ ᠬᠠᠳᠠ ᠬᠠᠢᠢᠷᠠᠬᠠᠨ᠎ᠠ ᠣᠷᠤᠰᠢᠬᠤ ᠮᠣᠷᠢᠨ ᠰᠠᠷᠮᠠᠭᠴᠢᠨ ᠡᠴᠡ ᠥᠭᠡᠷ᠎ᠡ ᠶᠠᠮᠠᠷ ᠢᠯᠭᠠᠯ ᠪᠣᠢ》ᠭᠡᠵᠡᠢ᠃ ᠢᠨᠵᠠᠨᠨᠠᠰᠢ ᠳ᠋ᠦ᠋ᠩᠨᠡᠵᠦ ᠬᠡᠯᠡᠬᠦ ᠳᠡᠭᠡᠨ ᠤᠭ ᠢᠵᠠᠭᠤᠷ ᠢᠢᠡᠨ ᠡᠰᠡ ᠮᠡᠳᠡᠪᠡᠰᠦ《ᠬᠦᠮᠦᠨ ᠦ ᠳᠦᠷᠰᠦᠲᠡᠢ ᠠᠳᠤᠭᠤᠰᠤᠨ ᠪᠣᠯᠠᠢ》ᠭᠡᠵᠡᠢ᠃ ᠡᠳᠡᠭᠡᠷ ᠨᠢ ᠢᠨᠵᠠᠨᠨᠠᠰᠢ ᠮᠤᠩᠭᠤᠯ ᠦᠨᠳᠦᠰᠦᠲᠡᠨ ᠦ ᠲᠡᠦᠬᠡ ᠠᠯᠳᠠᠷ ᠢᠢᠡᠨ ᠦᠯᠦ ᠤᠮᠠᠷᠳᠠᠬᠤ᠂ ᠡᠪᠦᠭᠡ ᠳᠡᠭᠡᠳᠦᠰ ᠢᠢᠡᠨ ᠴᠡᠭᠡᠵᠢᠯᠡᠵᠦ ᠶᠠᠪᠤᠬᠤ ᠤᠯᠠᠮᠵᠢᠯᠠᠯᠲᠤ ᠰᠤᠷᠭᠠᠨ ᠬᠦᠮᠦᠵᠢᠯ ᠦᠨ ᠳᠠᠳᠭᠠᠯ ᠢ ᠭᠦᠢᠴᠡᠳ ᠨᠤᠲᠠᠯᠠᠵᠤ ᠦᠭᠦᠯᠡᠭᠰᠡᠨ ᠪᠦᠭᠡᠳ ᠲᠣᠬᠠᠢ ᠶᠢᠨ ᠦᠶ᠎ᠡ ᠶᠢᠨ ᠤᠭ ᠢᠢᠡᠨ ᠮᠠᠷᠲᠠᠬᠤ ᠦᠵᠡᠭᠳᠡᠯ ᠳᠦ ᠢᠯᠡᠴᠢᠯᠡᠯᠲᠡ ᠬᠢᠵᠦ᠂ ᠮᠤᠩᠭᠤᠯ ᠤᠨ ᠤᠯᠠᠮᠵᠢᠯᠠᠯᠲᠤ ᠰᠤᠷᠭᠠᠨ ᠬᠦᠮᠦᠵᠢᠯ ᠢ ᠪᠠᠳᠠᠷᠠᠭᠤᠯᠤᠨ ᠳᠡᠯᠭᠡᠷᠡᠭᠦᠯᠬᠦ ᠶᠢ ᠵᠣᠷᠢᠵᠤ ᠪᠠᠢᠢᠭᠰᠠᠨ ᠢ ᠬᠠᠷᠠᠭᠤᠯᠵᠠᠢ᠃