ᠭᠤᠤᠯ ᠨᠢᠭᠤᠷ
ᠰᠤᠷᠭᠠᠨ ᠬᠦᠮᠦᠵᠢᠯ ᠦᠨ ᠭᠡᠭᠡᠪᠴᠢ
ᠤᠯᠠᠮᠵᠢᠯᠠᠯᠲᠤ ᠰᠤᠷᠭᠠᠨ ᠬᠦᠮᠦᠵᠢᠯ
ᠤᠯᠠᠮᠵᠢᠯᠠᠯᠲᠤ ᠰᠤᠷᠭᠠᠨ ᠬᠦᠮᠦᠵᠢᠯ
ᠣᠳᠣ ᠦᠶᠡ ᠶᠢᠨ ᠰᠤᠷᠭᠠᠨ ᠬᠦᠮᠦᠵᠢᠯ
ᠭᠠᠳᠠᠭᠠᠲᠤ ᠶᠢᠨ ᠰᠤᠷᠭᠠᠨ ᠬᠦᠮᠦᠵᠢᠯ
ᠡᠬᠡ ᠰᠣᠶᠣᠯ ᠢᠢᠡᠨ ᠬᠠᠢᠢᠷᠠᠯᠠᠬᠤ ᠬᠦᠮᠦᠵᠢᠯ
《ᠮᠤᠩᠭᠤᠯ ᠰᠣᠶᠣᠯ ᠤᠨ ᠴᠣᠪᠤᠷᠠᠯ ᠪᠢᠴᠢᠭ᠌ - ᠰᠤᠷᠭᠠᠨ ᠬᠦᠮᠦᠵᠢᠯ》 ᠬᠡᠮᠡᠬᠦ ᠨᠣᠮ ᠳᠤ᠄《ᠮᠤᠩᠭᠤᠯᠴᠤᠳ ᠬᠡᠦᠬᠡᠳ ᠢᠢᠡᠨ ᠮᠡᠳᠡᠭᠡ ᠣᠷᠤᠬᠤ ᠶᠢᠨ ᠵᠡᠷᠭᠡ ᠪᠡᠷ ᠲᠡᠭᠦᠨ ᠳᠦ〈ᠪᠢ ᠮᠤᠩᠭᠤᠯ ᠬᠦᠮᠦᠨ᠂ ᠪᠢ ᠮᠤᠩᠭᠤᠯ ᠤᠭᠰᠠᠭᠠᠲᠠᠨ ᠮᠦᠨ〉ᠭᠡᠳᠡᠭ ᠤᠬᠠᠮᠰᠠᠷ ᠢ ᠣᠯᠭᠤᠵᠤ ᠪᠠᠢᠢᠳᠠᠭ᠃ ᠡᠭᠦᠨ ᠦ ᠤᠳᠬᠠ ᠨᠢ ᠨᠡᠯᠢᠶᠡᠳ ᠳᠡᠯᠭᠡᠷᠡᠩᠭᠦᠢ ᠪᠠᠢᠢᠵᠤ᠂ ᠡᠭᠦᠨ ᠳᠦ ᠮᠤᠩᠭᠤᠯᠴᠤᠳ ᠤᠨ ᠵᠠᠩ ᠠᠭᠠᠯᠢ᠂ ᠬᠡᠪ ᠰᠤᠷᠲᠠᠯ᠂ ᠰᠡᠳᠭᠢᠴᠡ᠂ ᠰᠣᠶᠣᠯ ᠤᠷᠠᠯᠢᠭ᠂ ᠦᠭᠡ ᠬᠡᠯᠡ᠂ ᠨᠤᠲᠤᠭ ᠤᠰᠤ ᠭᠡᠬᠦ ᠮᠡᠲᠦ ᠶᠢᠨ ᠪᠣᠢ ᠪᠦᠬᠦᠢ ᠵᠦᠢᠯ ᠢ ᠪᠦᠷ ᠪᠠᠭᠲᠠᠭᠠᠵᠤ ᠪᠠᠢᠢᠳᠠᠭ》ᠭᠡᠵᠡᠢ᠃ 《ᠪᠢ ᠪᠣᠯ ᠮᠤᠩᠭᠤᠯ ᠬᠦᠮᠦᠨ》ᠬᠡᠮᠡᠬᠦ ᠬᠦᠮᠦᠵᠢᠯ ᠦᠨ ᠭᠣᠣᠯ ᠠᠭᠤᠯᠭᠠ ᠨᠢ ᠳᠠᠷᠤᠢ ᠲᠡᠭᠦᠨ ᠦ ᠳᠤᠰᠭᠠᠵᠤ ᠪᠠᠢᠢᠭᠠ ᠳᠡᠯᠭᠡᠷᠡᠩᠭᠦᠢ ᠤᠳᠬᠠ《ᠵᠠᠩ ᠠᠭᠠᠯᠢ᠂ ᠬᠡᠪ ᠰᠤᠷᠲᠠᠯ᠂ ᠰᠡᠳᠭᠢᠴᠡ᠂ ᠰᠣᠶᠣᠯ ᠤᠷᠠᠯᠢᠭ᠂ ᠦᠭᠡ ᠬᠡᠯᠡ᠂ ᠨᠤᠲᠤᠭ ᠤᠰᠤ ᠭᠡᠬᠦ ᠮᠡᠲᠦ ᠶᠢᠨ ᠪᠣᠢ ᠪᠦᠬᠦᠢ ᠵᠦᠢᠯ》ᠪᠣᠯᠤᠨᠠ᠃ ᠡᠨᠡ ᠨᠢ ᠳᠠᠷᠤᠢ《ᠡᠬᠡ ᠰᠣᠶᠣᠯ》ᠮᠦᠨ᠃ ᠡᠬᠡ ᠰᠣᠶᠣᠯ ᠤᠨ《ᠬᠠᠮᠤᠭ ᠶᠡᠬᠡ ᠣᠨᠴᠠᠯᠢᠭ ᠨᠢ ᠳᠠᠷᠤᠢ ᠬᠡᠦᠬᠡᠳ ᠲᠡᠭᠡᠨ ᠬᠠᠷᠠᠬᠠᠨ ᠪᠠᠭᠠ ᠡᠴᠡ ᠨᠢ ᠡᠬᠢᠯᠡᠭᠡᠳ ᠦᠨᠳᠦᠰᠦᠲᠡᠨ ᠦ ᠣᠮᠤᠭᠰᠢᠯᠲᠤ ᠰᠡᠳᠭᠢᠯᠭᠡ ᠶᠢ ᠪᠣᠢ ᠪᠣᠯᠭᠠᠨ ᠦᠭᠴᠦ᠂ ᠮᠦᠨ ᠮᠤᠩᠭᠤᠯ ᠦᠨᠳᠦᠰᠦᠲᠡᠨ ᠢᠢᠡᠨ ᠬᠠᠢᠢᠷᠠᠯᠠᠬᠤ᠂ ᠠᠯᠤᠰ ᠢᠷᠡᠭᠡᠳᠦᠢ ᠳᠦ ᠮᠤᠩᠭᠤᠯ ᠦᠨᠳᠦᠰᠦᠲᠡᠨ ᠦ ᠪᠡᠨ ᠬᠦᠭᠵᠢᠯ ᠮᠠᠨᠳᠤᠯ ᠳᠤ ᠭᠠᠪᠢᠶᠠ ᠵᠢᠳᠭᠦᠯ ᠦᠵᠡᠭᠦᠯᠵᠦ᠂ ᠨᠡᠷᠡ ᠲᠦᠷᠦ ᠪᠡᠨ ᠮᠠᠨᠳᠤᠭᠤᠯᠵᠤ ᠶᠠᠪᠤᠭᠠᠷᠠᠢ ᠭᠡᠰᠡᠨ ᠭᠦᠨ ᠤᠳᠬᠠ ᠶᠢ ᠢᠯᠡᠳᠭᠡᠭᠰᠡᠨ》ᠶᠣᠮ᠃
ᠮᠤᠩᠭᠤᠯ ᠦᠨᠳᠦᠰᠦᠲᠡᠨ ᠦ ᠡᠬᠡ ᠰᠣᠶᠣᠯ ᠤᠨ ᠬᠦᠮᠦᠵᠢᠯ ᠦᠨ ᠠᠭᠤᠯᠭᠠ ᠳᠤ ᠣᠯᠠᠨ ᠲᠠᠯᠠ ᠪᠣᠢ᠄ ᠮᠤᠩᠭᠤᠯ ᠤᠨ ᠤᠯᠠᠮᠵᠢᠯᠠᠯᠲᠤ ᠵᠠᠩ ᠦᠢᠯᠡ ᠪᠠ ᠶᠣᠰᠤ ᠮᠤᠷᠠᠯ᠂ ᠤᠯᠠᠮᠵᠢᠯᠠᠯᠲᠤ ᠲᠠᠮᠢᠷ ᠤᠷᠠᠯᠢᠭ᠂ ᠦᠭᠡ ᠬᠡᠯᠡ ᠦᠰᠦᠭ ᠪᠢᠴᠢᠭ᠌᠂ ᠤᠷᠠᠨ ᠵᠣᠬᠢᠶᠠᠯ ᠰᠢᠨᠵᠢᠯᠡᠭᠡ ᠮᠡᠷᠭᠡᠵᠢᠯ᠂ ᠠᠵᠤ ᠠᠮᠢᠳᠤᠷᠠᠯ᠂ ᠤᠯᠤᠰ ᠲᠦᠷᠦ᠂ ᠭᠦᠨ ᠤᠬᠠᠭᠠᠨ᠂ ᠰᠢᠲᠦᠯᠭᠡ ᠪᠢᠰᠢᠷᠡᠯ᠂ ᠰᠤᠷᠭᠠᠨ ᠬᠦᠮᠦᠵᠢᠯ᠂ ᠴᠡᠷᠢᠭ᠌ ᠠᠪᠠ ᠵᠡᠷᠭᠡ ᠣᠯᠠᠨ ᠲᠠᠯᠠ ᠬᠠᠮᠤᠷᠤᠭᠳᠠᠨᠠ᠃